காதலில் கொடுமை பிரிவு

காதலில் கொடுமை பிரிவு என்றாய்
பிரிவில் இனிமை நினைவுகள் என்றாய்
நினைவில் கொடுமை வெறுமை என்றாய்
வெறுமையில் இனிமை அமைதி என்றாய்
அமைதியின் உருவம் என் கண்கள் என்றாய்
கண்கள் நிறைய காதல் தந்தாய்
கண் மூடியும் கனவாய் நின்றாய்
காயங்களோடா பிரிந்து சென்றாய்

காதலில் கொடுமை பிரிவு என்பேன்………

ரகசியக் காதல்

காற்றில் அலைபாயும் உன்
கூந்தலுக்குத் தெரியும் என் மனதின் ஏக்கம்
உன் இடையில் தவழும்
தாவணிக்குத் தெரியும் என் கைகளின் குறும்பு
உன் காலில் சுதி சேரும்
கொலுசுக்குத் தெரியும் என் காதுகளின் ரசனை
நீ கொஞ்சி விளையாடும்
குழந்தைக்குத் தெரியும் என் அன்பு
நீ முனுமுனுக்கும்
பாடலுக்குப்  புரியும் என் கவிதை
உன்னை கவிதையாக்கும் உன்
வெட்கத்திற்குத் தெரியும் என் உரிமை
என்னை குழந்தையாக்கும் உன்
கண்களுக்குத் தெரியும் என் காதல்
உன் அசைவில் ஆடும் என்
மனதிற்கும் தெரியும் உன் ரகசியக் காதல்.